Desta volta, Loiros estarán presentando o seu segundo LP, titulado Back from the Edge.

Nel inclúense seis novas cancións orixinais do grupo, coidadosa e amorosamente compostas, executadas e gravadas, onde atopamos unha inusual mestura de xéneros que cristaliza nun son e nunha estética moi definidos e persoais. Baixo un certo enfoque jazzístico, a banda aglutina influencias do rock progresivo, o shoegaze, o grunge e o post rock, creando unha paisaxe sonora única na que o ouvinte pasa por diferentes estados emocionais. Sorprende o seu son cru, en contraste cos coidadísimos arranxos, a fina execución e o mimo no tratamento das melodías vocais, cuxas harmonías fan de fío conductor ó longo de todo o disco.

Unha vez máis, o grupo conta coas experimentais e sempre tolas técnicas de deseño sonoro do Hevi, aos mando do seu Laboratorio Soyuz, gravando e mesturando o disco en Trazo (Galiza) e coa exquisita masterización Cem Oral de Jammin´ Masters en Berlin.

Back from the Edge colleita xa moi boas críticas por parte do público e da prensa especializada:

"Unha sorpresa monumental. Un disco riquísimo e diferente que escapa de case todos os radares, sobre o que paga a pena colocar os focos axiña"

Fernando Neira. El País

"Un disco maduro, co que a banda consegue unificar solidamente jazz, grunge, shoegaze e psicodelia"

Fernando Fernández Rego. MondoSonoro

"Un grupo diferente, honesto e arriscado. E o seu son, unha mestura única de xéneros e influencias"

Pablo Vázquez. A Movida

"A súa peculiar mestura estilística crea unha sensación nova para o ouvinte. Longos e inesperados desenrolos lévante irremediablemente por distintos estados"

Pilar García Rego. Zig Zag Diario

"Inclasificables. O seu primeiro disco fai imaxinar un amencer eterno"

 Roberto Martínez. Bienvenido a los 90

"Máxicos. Parecen saídos do Canterbury dos 60"

 Xosé Otero. RKV Radio

"Longos desfiles de mesturas psicodélicas conforman un primeiro achegamento a unha banda á que lle queda moito que amosar"

Balea Cultural

"Os novos seis temas que conforman este novo LP falan por si mesmos en eloxiosos términos dos seus autores"

Manuel Borrero. Ruta 66

---------------------------------------------------------------------------------------------------------------------------------------------------------------------------------------------------

LIGAZÓNS REDES:

- Útimo videoclip: Loiros - How Does It Feel

- Bandcamp: https://loiros.bandcamp.com/album/back-from-the-edge

- Youtube: https://www.youtube.com/@loirosband

- Instagram: https://www.instagram.com/loirosband

- Facebook: https://www.facebook.com/loirosband