Guadi Galego dará un concerto de Síntese Horizonte no Teatro Principal da Estrada o venres 28 de marzo, ás 21:00 h.

• A apertura de portas será ás 20:30 h.

O concerto enmárcase na xira de inverno de Síntese Horizonte, un espectáculo expresamente concibido para representar ao vivo, sobre as táboas dos teatros de Galicia. Trátase dunha aposta da propia Guadi Galego pola evolución do seu son e por desaprender o establecido.

Cunha duración de 90 minutos, Guadi Galego estará acompañada dunha portentosa banda formada por Guillerme Fernández (Guitarras), Rubén Iglesias (Baixo e sintetizadores), Isaac Palacín (Batería e percusión), Alex Fernández (Teclados) e Paula Romero, Faia Díaz, Inés Salvado e Rocío Jiménez (Voces). Un espectáculo que ten o son en directo ao coidado de Manolo Dourado e unha sorprendente iluminación e posta en escena a cargo de Nononon Lab.

Síntese Horizonte parte dunha premisa que o público poderá corroborar ao asistir ao concerto: o poder transformador da música ao vivo.